سون خبر تورکجه خبر سئرویسی: آذربایجانین بؤیوک موغننی و بسته‌کاری عالیم قاسیم‌اوف آنادولو خبر آژانسیله موصاحیبه‌سینده قاراباغین آزاد ائدیلمه‌سینده آذربایجان موسیقی‌سی‌نین رولونو اساس حساب ائدیب.
عالیم قاسیم‌اوف آنادولویا بئله دئییب: “داغلیق قاراباغ همیشه صنعت آداملاری اوچون ایلهام قایناغی اولوب. قره‌باغین آزادلیغیندا سیاستچی‌لر اؤز ایشلرینی و صنعتچی‌لرده اؤز ایشلرینی گؤردولر. آذربایجان اینجه صنعتی و موسیقی‌سی همیشه داغلیق قاراباغلا باغلی اولوب و سؤزسوز کی قاراباغین آزاد ائدیلمه‌سینده اساس حرکت وئریجی قووه‌لریندن بیری اولوب. بیز بیرلیکده بو بؤیوک غلبه‌یه نائیل اولدوق و آذربایجانین ایشغال ائدیلمیش تورپاقلارینی گئری آلابیلدیک.”
قاسیم‌اوف: تبریزده کنسرت وئرمک ایسته‌ییرم
قاسیم‌اوف تبریز و تهران شهرلرینده کنسرت گئچیرمکله ماراقلی اولدوغونو بیلدیریب و ایمکان داخیلینده، ایراندا داها بیر کنسرت وئرمک ایسته‌دیگینی وورغولاییب.
عالیم قاسیم‌اوف ایراندا آذربایجان موسیقی سی‌نین وضعیتینه گؤره دئییب: “شوروی دؤرونده آذربایجان جومهوریتینده هر ائوده پیانو تاپماق اولاردی، آمما بلکه بو ایمکانلار ایران آذربایجانی و تبریزده یوخیدی، بو سببه گؤره آذربایجان موسیقی‌سی شوروی دؤرونده داها چوخ اینکیشاف ائدیب. البته تبریزده علی سلیمی، یعقوب ظروفچی و باشقالاری کیمی بو موسیقی اوچون زحمت چکن بؤیوک اوستادلار اولوب.”
قاسیم‌اوف یاخین زاماندا ایرانلی صنعتکار، شهرام ناظری ایله بیرلیکده بوداپست شهرینده بیر کنسرت وئره‌جه‌گینی آچیقلاییب.
